90
Cuatri dîs pe FVG Bike Trail, un grant event di cicloturisim che di joibe ai 4 e fint ai 7 al puarte in regjon cuasi 600 passionâts des dôs ruedis. Dome un su cinc e al è di chi: il 58% al rive dal rest de Italie e il 22% dal forest par cheste manifestazion cence gare, che e je une scuvierte des bielecis naturâls, culturâls e enogastronomichis dal teritori. Ideade e inmaneade di It Takes Two Srl cul supuart di PromoturismoFVG, la manifestazion e da ai partecipants la pussibilitât di sielzi trê percors a anel: un di 100, un di 235 e un di 375 km, passant Cividât, Gurize e Gnove Gurize,. Triest, Grau e Aquilee.
