Crazy Bob: grant sucès pe fieste su la nêf

A jerin il velîr dai Vichincs, Pac-Man, Sailor Moon, la prime edizion de Batmobile, La Cjase di Cjarte trasformade in “Cjase di compensât”, il camper di Barbie, i Pinguini Tattici “Balneari”, il camion dai pompîrs, int in biciclete e motocicliscj… Nancje cheste volte la fantasie e à deludût, compagnade di un nivel cetant alt di realizazion dai mieçs costruîts di bessôi, che a àn rivât al miôr de tecniche costrutive e di origjinalitât. Passe siet mil personis a àn partecipât a For Disore ae decime tierce edizion de “Crazy Bob”, la manifestazion spetacolâr e goliardiche su la nêf là che inzen, creativitât e divertiment si fondin par regalâ al public un spetacul unic. A trionfâ a son stâts i “Mario Frais Kart” di S. Zuan dal Nadison, autôrs di une riproduzion ecezionâl dal personaç storic dai videozûcs. (A.I.) – 10.03.2025