Cividât e je pronte pal sô prin campionât in A2

Ai 19 di Avost e tache uficialmentri la prime, storiche stagjon di A2 pe scuadre di bale tal zei Ueb Gesteco Cividale. La date e je chê di cuant che, propit di Cividât, e tac il ritîr, prime dal trasferiment a Lignan par un torneu-memorial e, dai 11 di Setembar, in ritîr a Sudri e Paluce. Confermât l’alenadôr Stiefin Pillastrini, il grup al è stât in part rinovât. Sul marcjât, il president Davide Micalich “e mancje juste une pedine: une ale americane. Il nestri prin obietîf al è chel di mantignî la categorie, cence cirî competizion cun di nissun. Di fat, o continuarìn a zuiâ in cjase la sabide di sere”. (A.I.) – 14.07.2022