Campionessis dal sport in regjon par fevelâ di discriminazion

Passe 700 students des scuelis secondariis superiôrs di Pordenon, S. Vît dal Tiliment e Sacîl a parteciparan ae seconde edizion dal progjet “Uguali/diversi” par cure di Emanuela Furlan pe associazion culturâl Thesis, par scoltâ des vôs di esperts e campionessis dal sport talian une schirie di argoments leâts a “Sport, inclusion e discriminazions”. Martars ai 20 il Teatri “Verdi” di Manià al darà acet sul palc a Erika Maran, presidente de scuadre di balon feminine di Vicence e coordenadore nazionâl dal balon feminin, e ancje la ex canotiere olimpiche Martina Orzan. Miercus ai 21 a Pordenon in sale Capitol di matine e tal auditorium Zotti di S. Vît dal Tiliment a saran Claudia Giordani, atlete olimpiche di schi alpin, vicepresidente dal Coni nazionâl, e Valentina Turisini, medaie di arint aes Olimpiadis di Atene. (A.I.) – 19.02.2024