Balon, la nazionâl furlane cuintri la Groenlande

La ASF – Associazion Sportive Furlane, in colaborazion cul Comun di Manzan e cu la SSD Manzanese Calcio, e à comunicât in forme uficiâl la partide amichevule internazionâl jenfri la scuadre nazionâl di balon dal Friûl e la scuadre nazionâl de Groenlande. La partide e je programade par domenie ai 31 di Mai aes 6 di dopomisdì tal Stadi Comunâl di Manzan. Chest event al è un moment storic pal sport furlan, puartant sul teritori une realtât uniche e une vore apassionante, chê dal balon groenlandês, par une partide che e va di là dal risultât sul cjamp. La ASF, che e à fat nassi e promovût la nazionâl di balon furlane, e fâs notâ che cheste partide e je dentri di un percors di ricognossiment culturâl e sociâl. “Cheste iniziative e je ribati di impuartance simboliche e civiche – al à sclarît il president de associazion, Daniele Puntel .- cirint di riafermâ, midiant dal lengaç universâl dal balon e il dirit inalienabil des popolazions ae autodeterminazion. Zuiâ cheste partide al vûl dî dâ vôs a chei che a rivendichin la lôr identitât, tal spirt dal rispiet e de fradilance jenfri lis nazions”. (A.I.) – 22.04.2026