Bale tal zei: un zuiadôr de Nba pe Apu Udin

Grant colp di marcjât de scuadre di bale tal zei de Apu Old Wild West di Udin, che e à comunicât l’ingai fin al tiermin de stagjon di Isaiah Briscoe, une vuardie-play une vore abil tal tacâ il zei. La societât e je stade a lunc daûr dal zuiadôr american, che ae fin al à dite di sì al progjet blanc e neri. Un invistiment impuartant de bande de Apu, che e puarte in Italie un talent cun cualitâts indiscutibilis: nassût intal 1996 intal New Jersey, Stâts Unîts, al à frecuentât la University of Kentucky, un tra i college plui innomenâts di dut il campionât Ncaa, e al à zuiât ancje in Nba cu la maiute dai Orlando Magic. (A.I.) – 06.09.2022