Atletiche a Lignan, capitâl par une zornade

Miercus ai 8 al torne a Lignan tal stadi “Teghil” il meeting internazionâl di atletiche “Sport Solidarietà”, inmaneât come simpri de NAF (Gnove Atletiche dal Friûl). Giorgio Dannisi e Stefano Scaini a àn metût dongje une altre volte un event si mostre unic pe sô capacitât di cumbinâ prestazions tecnichis di alt nivel cuntun impegn sociâl font. Il program tecnic che si davuelç a Lignan al è di nivel une vore alt, classificât inte categorie “Bronze” (bronç) dal World Athletics Continental Tour. Il program des garis pai oms al comprendarà lis corsis dai 100 metris, dai 400 metris, dai 800 metris e dai 1500 metris, chês dai ostacui dai 400 metris, il tîr dal pês e chel dal pilot. Il program des feminis al previôt la gare dai 100 metris, dai 400 metris, dai 800 metris, dai 1500 metris, dai 100 a ostacui e il salt dilunc. Dongje di chês a son ancje lis provis dai 100 metris e dai 200 metris de Fispes, la Federazion Taliane dai Sports Paraolimpics e Sperimentâi, che e permetarà ancje ai atletis dai Special Olympics di la su la piste dal Teghil, il centri de atletiche mondiâl par une zornade. (A.I.) – 07.07.2026