ASU, une altre scuadre in Serie A

La ASU-Associazion Sportive Udinese e à scrit un gnûf cjapitul inte sô storie. Li dal Piacenza Expo, te suaze dai Campionâts talians a scuadris, la scuadre maschîl i floret de ASU e à vinçût il titul de Serie B1, sigurantsi cussì la promozion te Serie A2, daspò di une finâl emozionante. La scuadre in blanc e neri e sarà duncje la uniche in Serie A de regjon F-Vj. Il zovin cuartet furlan – il plui zovin di ducj, cuntun zuiadôr sot dai 17 agns e trê sot dai 20 -, formât di Marco Bertossi, Lorenzo Del Medico, Riccardo Paoletti e Antonio Guido Pesce, al à vinçût par 45-43 cuintri il Club Scherma Montignano Marzocca Senigallia. Cheste vitorie e je ancjemò plui impuartant parcè che e sburte la ASU inte prime classe de scherme nazionâl, puartant ancje il numar totâl di scuadris dal club in Serie A a dôs: la scuadre di scherme blancje e nere e la sezion di gjinastiche ritmiche, protagoniste dal campionât plui impuartant za di passe dîs agns. (A.I.) – 18.03.2026