APU: la zornade dal radun pe massime serie

Une zornade impuartant pe APU Old Wild West, la scuadre di bale tal zei di Udin. Lunis ai 18 di buinore al è tacat il radun de scuadre alenade di Adriano Vertemati, che daspò di ve vinçût l’an passât il campionât di A2, chest an e torne a zuiâ te massime serie taliane, tacant dai prins dîs dal mês di Otubar. La scuadre dal president Alessandro Pedone e je cambiade une vore: dome che cuatri dai titulârs dal ultin campionât – dongje dal cjapitani Alibegovic, Da Ros e Ikangi e Hickey, che nol à mai zuiât in A1 – e je rivade une schirie di americans (Spencer, DJ Brewton, Dawkins), il zovin talent talian Calzavara, l’african Mekowulu e il lituan Bendzius, bogns pal campionât plui ‘fisic’ e plen di scuadris di grant nivel e ancje un nazionâl lituan. (A.I.) – 18.08.2025