Adiu a Anzil, il preparadôr di Zico

Corot pal sport furlan. Dopo di  une lungje malatie, al è muart il professôr Faustino Anzil, il dean dai preparadôrs atletics in regjon. Om di scuele e di sport, al veve alenât Enzo Dal Forno e Massimo Di Giorgio, campions talians di salt adalt. Impuartant ancje il so lavôr intal balon, dentri di Lazio, Triestina e Padova, ma soredut al Udin, dulà che al è stât il preparadôr atletic di Zico. Anzil al è stât ancje Assessôr ae istruzion publiche e al sport dal Comun di Udin e president de sezion provinciâl de “Associazione Nazionale Atleti Olimpici e Azzurri d’Italia“. (A.I.)- 25.05.2022.