A Codroip si vierç il campionât di taule cu lis ruedis

Al sarà ancjemò Codroip a screâ il campionât regjonâl di taule cu lis ruedis (Skateboard; inte dissipline clamade “Street”, di strade). La prime tape si tignarà sabide ai 15 e domenie ai 16 intai implants base di vie Friuli. L’event al è organizât de Polisportiva Codroipo e de associazion culturâl Ottagono cul supuart di associazions afiliadis. Intal ultin an, la Scuele di taule cu lis ruedis di Codroip e je lade daûr cun passion ai zovins “skater” presints sul teritori. La atenzion e il supuart de Zonte comunâl viers de dissipline, cun di plui, a àn consintût il disvilup e la costruzion di gnovis struturis, che cumò a fasin la aree ancjemò plui complete e competitive. (A.I.) – 14.04.2023