A Buri la Cope Italie di baseball

Grant risultât pal sport regjonâl. La scuadre di baseball di Buri, in ativitât di passe cincuante agns e tornade in Serie A daspò di 23 agns, e à vinçût la Cope Italie (un torneu diferent dal campionât) par chel che al rivuarde la “poule salvezza”, ven a stâi i zirons li che si cjate la formazion che si clame Alfa Sistemi White Sox Buttrio Baseball. Sabide ai 4 a Godo, in provincie di Ravenna, si son zuiadis lis “Final Four>”, lis partidis cu lis miôr cuatri scuadris (prime e seconde) dai zirons F e G de serie A. Prime la Itas Mutua Rovigo e à vinçût cuintri Lupi Auto Fiorentina, po dopo Alfa Sistemi Buttrio e à batût Rimini e daspò di mancul di une ore la scuadre di Buri e je tornade sul “diamant” par bati in finâl Rovigo par 6-3. (A.I.) – 06.10.2025