Zovins musiciscj a Paulêt

Une edizion speciâl pal trentesim Concors Internazionâl par Zovins Sunadôrs inmaneât di Euritmia tal Auditorium di Paulêt, che si davuelç dai 19 ai 21 di Jugn. La competizion e nassude di une idee di Franco Brusini, diretôr artistic dal concors par plui di vincj agns, e dal olandês Jo Conjaerts, president de jurie internazionâl ancje lui par passe vincj agns e citadin onorari di Paulêt. La partecipazion ae competizion e je vierte ai zovins dai 10 ai 20 agns. Il so obietîf al è chel di promovi il dialic jenfri zovins musiciscj di diviersis nazionalitâts e culturis e di contribuî al disvilup musicâl dai talents locâi. La jurie internazionâl, vuidade dal trombetist sloven Jure Gradisnik, e valutarà lis interpretazions dai concorints. (A.I.) – 18.06.2026