Zornade de danze: fieste a Felet cun Arearea

La Zornade Internazionâl de Danze e torne, promovude dal Comitât Internazionâl dal Teatri de UNESCO e celebrade dal 1982 par evidenziâ la danze tant che forme di art e un imprest fondamentâl pe cognossince e la incressite. Chest an, la compagnie udinese Arearea e tornarà a proponi dut un dî di omaç, miercus ai 29 tal Teatri “Maurensig” di Felet, cuntun program siôr e articolât, bon di compagnâ il public de matine fint ae sere. Che programade e sarà une zornade di imersion tal mont de danze: un lûc di incuintri par chei che a son stâts cjapâts dentri tai cors di formazion dal progjet “Area Dance Library”. Tacant di buinore, il foyer dal teatri al sarà plen di vite cun lezions libaris par ducj. La zornade e larà indevant cun si jentrarà tal vîf cui risultâts dai cors e, par sierâ, e sarà presentât “Echoes” of Dance, il spetacul finâl di Arearea. (A.I.) – 28.04.2026