Zerorchestra, fieste pai trente agns di ativitât

L’ultin event de serie “Seradis dal cine mut – Oparis mestris centenariis”, che al à permetût al public di Cinemazero di preseâ cualchi cine innomenât fat tal 1925, al devente ancje une ocasion par celebrâ il trentesim aniversari de Zerorchestra. L’event, organizât in colaborazion cu lis Zornadis dal Cine Mut, la Cineteche dal Friûl e cul supuart dal Comun di Pordenon, de Regjon Friûl-Vignesie Julie e de Fondazione Friuli, al è previodût par martars ai 16 aes 9 sot sere te sale principâl di Cinemazero. La serade si vierzarà cun doi curtmetraçs sperimentâi di Hans Richter, un dai protagoniscj dal cine astrat, e po dopo une comedie di Stan Laurel e Oliver Hardy e une des oparis plui maraveosis di Buster Keaton. A dâ vôs musicâl aes imagjins la Zerorchestra, cuntune formazion che e met dongje cualchidun dai musiciscj plui rapresentatîfs di une storie che dal 1995 a vuê e à dât une gruesse man ae riscuvierte e valorizazion dal cine mut, sunant musiche dal vîf. (A.I.) – 15.12.2025