Vuidis pe scolte de opare di Puccini

A son daûr a tacâ i prins events educatîfs dal progjet “Puccini” 2026, promovûts di Operaprima-Wien te suaze de novesime edizion dal program che al à trasformât Puçui intune vere “Citadele de opare”. In anticipazion de gnove produzion de “Madama Butterfly” di Giacomo Puccini, in program dai 28 di Avost e fint al Prin di Setembar te Vile Gradenigo Sabbatini, il public al è invidât a une schirie di incuintris libars par svicinâsi ae opare, progjetade par vuidâ i spetatôrs, i apassionâts e i curiôs inte lôr scuvierte di un dai titui plui preseâts e complicâts di dut il repertori liric. Lis vuidis di scolte a viodaran la partecipazion di Tiziano Duca, diretôr artistic e diretôr di Operaprima-Wien, e il musicolic Alessio Screm, che a puartaran il public intun viaç traviers de narazion di storiis, de analisi e des ispirazions musicâls e teatrâls. La prime cunvigne si fasarà martars ai 23 di Jugn aes 6 e mieze di dopomisdì tal Centri “Ernesto Balducci” di Çuian. La seconde si davuelzarà joibe ai 25 di Jugn a Udin, te Universitât Paolo Naliato pe Tierce Etât di Padier. (A.I.) – 22.06.2026