Vive la France! Musiche dal vincjesim secul

Tal teatri “Odeon” di Tisane, vinars ai 12, al è inmaneât un event musicâl inte stagjon dal circuit dal ERT in colaborazion cul festival “Nei suoni dai luoghi”. “Vive la France!” al è il titul dal conciert che al esplorarà la musiche francese dal vincjesim secul midiant de evoluzion de musiche di cjamare pai struments a flât. I sunadôrs a saran Andrea Oliva al flaut, Enrico Cossio al oboe, Kevin Spagnolo al clarinet, Paolo Armato al cuar, Alessandro Bressan al fagot e Gloria Campaner al pianoforte. Il grup al sunarà musichis di Debussy, Poulenc, Saint-Saëns, Frances e Ibert. (A.I.) – 11.12.2025