29
Numars di primât pe seste edizion dal “Visavì Gorizia Dance Festival”, che al à contât cuasi cinc mil spetatôrs in dîs zornadis di spetacui sul confin de Italie cu la Slovenie. Ideât di ArtistiAssociati di Gurize cul Teatri Nazionâl Sloven SNG di Gnove Gurize, il festival al jere un dai events dal program uficiâl di GO!2025 e al à tirât dentri 250 personis pe organizazion. Il diretôr artistic Walter Mramor al è content, prin di dut parcè che la rassegne e je stade preseade in graciis de sô carateristiche uniche in dute Europe, che di jessi “transfrontalîr” e no dome di chest an, ancje se propit cheste edizion e je stade preseade ancje di là dal teritori. Soredut pal program, plen di spetacui in “prime” nazionâl. (A.I.) – 21.10.2025
