Ve il câs Tony Pitony: no son plui biliets a Udin!

Un dai nons plui spietâts di dut l’Istât al rive te gnove rassegne di concierts inmaneâts di VignaPR e FVG Music Live tal Cjistiel di Udin: Tony Pitony, la gnove rivelazion “mascarade” de musiche taliane, che al à cjapât il public cu la sô ironie, il so stîl inconfondibil e la sô vision artistiche une vore uniche. La sô esplorazion creative e va daûr di un fîl comun che al met dongje influencis che a somein lontanis, refudant cualsisei etichete di gjenar e superant lis categoriis tradizionâls. In dome cualchi mês, al à cjapât sù passe 100 milions di scoltis dome su Spotify e 60 milions di visualizazions su YouTube. I biliets pai doi concierts a Udin sabide ai 20 e lunis ai 22, a son stâts vendûts ducj za di tancj mês. (A.I.) – 19.06.2026