La rassegne “Folkest” e à sierât lis zornadis centrâl a S. Denêl cu lis tradizionâls finâls dal Premi “Alberto Cesa”, rivât ae vincjesime seconde edizion. Il prin premi al è lât a Natalie Abbascià de Pulie, il secont puest a Elisa Carta de Sardegne, il tierç ai Ensemble dal Sud, un progjet che al cjape dentri il Venezuela, la Italie e la Cine. Il premi pe miôr presentazion musicâl di une poesie di Federico Tavan, un ricognossiment identitari di cheste iniziative, creât in colaborazion cul editôr Morganti, al è lât ai furlans I Cani Sciolti dal Mondo Roverso. Il premi “Lorenzo Marchiori”, dedicât dal festival a un libri su la musiche in memorie dal gjornalist muart masse adore al è stât assegnât a Felice Liperi par “S’Istoria Infinida”, une biografie dai Tazenda. (A.I.) – 07.07.2026
Ve i premis di Folkest
37
