Vasco a Udin par une fieste dople

Passe siet agns daspò de sô ultime volte, Vasco Rossi al torne a Udin, tal stadi BluEnergy/Stadio Friuli, par un conciert dopli inmaneât di Live Nation Italia cun FVG Music Live e VignaPR, in colaborazion cun PromoTurismoFVG, il Comun di Udin e la societât di balon Udinese Calcio. Un an dopo i 56 mil spetatôrs a Bibion, e in spiete des celebrazions dal 2027 pal so cincuantesim aniversari de cariere, “Vasco Live 2026,” che al è tacât ai 30 di Mai, al è pront a bati une altre volte ducj i records, cun dome sîs datis doplis in ancjetantis citâts talianis e ducj i biliets vendûts fûr par fûr aromai di mês. Che di Udin e je la ultime e e sarà ancjemò une volte une celebrazion coletive che e devente un viaç, maestôs e ardôs. Un grande strente coletive jenfri Vasco e il so public, une onde di suns supuartade di cjançons che a son deventadis imnis di une gjenerazion a che altre, par un artist unic inte musiche taliane. La liste e presente uns trente cjançons, cjapant dentri dutis chês classichis, ma ancje un pâr che no son stadis presentadis sul palc di sene pas passe 40 agns e ancje un pâr che a saran presentadis pe prime volte. (A.I.) – 26.06.2026