Unvier, dôs seradis di gnove musiche furlane

Doprâ la lenghe furlane e il repertori musicâl di chenti al è aromai robe di ogni dì par cetantis gjenerazions di musiciscj e compositôrs. L’Ufici pe lenghe furlane dal comun di Udin, in colaborazion cu la associazion culturâl Inniò, al propon dôs seradis a jentrade libare sore nuie dentri dal program “Nadâl a Udin 2025”, puartant indevant il so supuart ae sene musicâl une vore vivarose in lenghe furlane. Il piçul festival di musiche invernâl “Unvier” al è une cerce di un pâr di progjets che a saran disvilupâts: si tache joibe ai 11 tal ex cine di Padier cun Paolo Forte e Leo Virgili adun intal duet Bumbuie. Intal stes lûc, ai 3 di Zenâr, il tercet cjargnel Trival (Alvise Nodale, Luca Boschetti, Veronica Urban) al ufrirà un viaç dentri dal repertori classic dal Nadâl, cun ospits lis vôs di Nicole Coceancig e Franco Giordani. (A.I.) – 10.12.2025