Une zornade pai “ultins” a Pordenon

La trentesime edizion dal “Arlecchino Errante” e rive ae sô penultime zornade cuntun program plen di events dedicâts al scambi jenfri lis lenghis di confin, la grande leterature dal vincjesim secul e il cine “impegnât”. Il festival, pensât e inmaneât de la Scuele sperimentâl dal atôr, al scomence tal dopomisdì cuntun seminari su lis lenghis di confin par cure des compagniis VADA, Teatri Na Konfini e Teatri Stabil Furlan. La serade, il moment centrâl de zornade, tal ex convent di S. Francesc e je in program la prime vision assolude di “Elsa Morante. Une cjançon pai ultins”, une gnove produzion dal Teatro Nucleo. Par finî la serade, la Mediateche di Cinemazero e ospite une proiezion speciâl dal cine “Gli ultimi”, cu la regjie di Vito Pandolfi e scrit adun cun David Maria Turoldo. (A.I.) – 08.09.2026