Une storie pierdude di Pasolini sul palc

Il progjet culturâl “Lenghis e lengaçs te opare di Pasolini”, promovût par la Societât Dante Alighieri – Comitât di Pordenon par esplorâ il pinsîr, la ricercje linguistiche e la ereditât culturâl di Pier Paolo Pasolini, al va indevant cuntun event impuartant. Te suaze dal percors, martars ai 30, la Distilarie Pagura a Cjasteons di Çopule e ospitarà “La morteane. Part dal Fantat”, un dai test plui significants e mancul rapresentâts dal inteletuâl. O miôr, la comedie no fo mai presentade cuant che e fo scrite, ator dal 1945, e il test complet al è lât pierdût. Dome tancj agns dopo ,une part dal manuscrit e je tornade a vignî fûr. Il regjist, autôr e atôr Massimo Somaglino al puartarà il lavôr di Pasolini sul palc, zontant in sene Klaus Martini, Valentina Saggin, Anna Savanelli e Andrea Rizzo intune produzion di Area e Teatri Stabil Furlan. La musiche origjinâl, componude a pueste pal spetacul, e sarà sunade in direte di Mirko Cisilino, Laura Giavon e Giorgio Parisi, (A.I.) – 29.06.2026