Une storie feminine di orôrs dal passât

Une storie une vore fuarte e ven fûr dai spazis plui neris de seconde Vuere mondiâl: vinars ai 10 e sabide ai 11, il Teatri “Verdi” di Pordenon al presentarà il spetacul “L’assaggiatrice di Hitler” (La cerçadore di Hitler), basât sul romanç “Le assaggiatrici” (Lis cerçadoris) di Rosella Postorino, vincidôr dal Premi “Campiello” dal 2018. Il spetacul teatrâl, scrit di Gianfranco Pedulà e de stesse autore dal libri, al à la regjie di Sandro Mabellini. La storie e je ispirade a events che a son stâts pardabon: la storie di feminis obleadis a cerçâ il mangjâ destinât a Adolf Hitler par evitâ il risi di intosseament. Une storie feminine che e travierse la storie par fevelâ dal presint, fasint lûs su lis ombris de anime umane e su la linie fine jenfri sorevivence e complicitât. (A.I.) – 09.04.2026