Une storie di feminis pai gnûfs “itineraris” dal Teatron

Prime tape tal teatri gnûf Giovanni da Udine” pai “Itineraris tal Teatri Contemporani”, un percors pensât de Fondazion dal Teatri Gnûf e dal CSS Teatri Stabil pe Inovazion dal Friûl-Vigmnesie Julie cu la poie de Regjon. Sul palc di sene martars ai 24 al è “L’Empireo – The Welkin” de dramaturghe britaniche Lucy Kirkwood, premiade plui voltis, diret di Serena Sinigaglia e cun 19 personaçs sul palc: 17 di chei a son feminis. Un spetacul corâl, militant e che al cjape dentri il public, ambientât intes zonis rurâls dal diesim otâf secul in Ingletiere, ma cetant atuâl pai temis che al trate: cuistions fondamentâls e cence timp, che a rivuardin lis vitis des feminis di cualsisei epoche, prin di dut il tratament inicui che lis leçs scritis dai oms a imponin ancjemò al dì di vuê aes feminis e ai lôr cuarps. (A.I.) – 24.03.2026