Une serie televisive dedicade al taramot dal 1976

A tacâ di martars ai 3, la serie documentarie “Prima le fabbriche, poi le case, poi le chiese” (Prin di dut lis fabrichis, po dopo lis cjasis, po dopo ancjemò lis glesiis) e sarà in rêt ogni setemane di martars aes 9.20 di sere, cun ripetizions ogni vinars aes 8.40 di sere, su RAI 3 BIS e e sarà disponibile ancje su RaiPlay. La serie, pensade e diret di Massimo Garlatti-Costa, produsude di Belka Media e Raja Films, promovude di Glesie Furlane cul contribût de ARLeF, e je fate di 18 episodis di 5 minûts ognidun, creâts in ocasion dal cincuantesim aniversari dal Taramot dal 1976 in Friûl. La serie e conte un moment decisîf te storie dal Friûl cuntune prospetive gnove che e à lis sôs lidrîs tal teritori: il rûl che a àn vût i predis furlan tal gjestî la emergjence e tal procès di ricostruzion sociâl, economiche e civîl daspò dal taramot dal 6 di Mai 1976. Il titul al è chel di un innomenât sproc di chei dîs, il simbul stes di chê rinassite, burît di un document presentât dai predis di Glesie Furlane ae assemblee convocade dal vescul Alfredo Battisti ai 11 di Mai dal 1976. (A.I.) – 03.02.2026