Une rassegne di ecelencis furlanis, ma internazionâl

Edizion speciâl, la none, pal festival “Udine Castello”, rassegne inmaneade dai Amîs de Musiche di Udin, che e sarà un omaç internazionâl aes ecelencis furlanis e ae marilenghe. Si scomence domenie ai 18 al Palamostre cul progjet “TangUdine”, cu la Transonica Tango Orchestra direte dal argjentin Patricio Bonfiglio e la vôs di Limon Garcia, in onôr di José Bragato, nassût e cressût a Udin, amì e strent colaboradôr di Piazzolla. Domenie ai 25 al Cjistiel di Colorêt di Mont albane e je in program la zornade “Mozart e lis tieris furlanis”, in colaborazion cun la Arlef. A Otubar, i arcs de Academia Naonis & Ensemble Donatello, cun la direzion dal spagnûl Juan José Navarro e soliste la violonceliste coreane Jiyun Yoo, a sotlinearan la internazionalitât des propuestis, che a laran indevant cuntun omaç a Tina Modotti pai 80 agns de muart. (A.I.) – 13.09.2022