59
Daspò dal sucès dai “tableaux vivants”, i cuadri vivents tal Centri Comerciâl di Midune pal “Festival al Centro”, là che atôrs e atoriis a àn fat un omaç a cualchi opare mestre de storie de art, la Compagnia di Arti e Mestieri di Pordenon, direte di Bruna Braidotti, e torne a cjase cuntun progjet gnûf: prime de Messe di joibe ai 5, aes 8 e un cuart sot sere te parochie di S. Francesc (in vie S. Gottardo 3). L’omaç che nol podeve mancjâ al è chel ae “Ultime cene” di Leonardo da Vinci, la famose piture che e sarà evocade in dut il so podê emotîf de bande dai atôrs e des atoris de compagnie e dai arlêfs de scuele teatrâl di Largo Cervignano, cun l’acompagnament musicâl di Nicola Mansutti. (A.I.) – 01.04.2026
