Une pianiste ucraine pai cent agns di Respighi a Udin

Zovine stele internazionâl che e à scomençât di piçule, vuê interprete cun cetancj premis in cariere, Anfisa Bobylova e je pronte pal public dal Palamostre di Udin. La pianiste ucraine e je la ospite dal conciert inmaneât dai Amîs de Musiche di Udin, miercus ai 27, tacant aes 19.22. A sîs agns e sunave za, a dîs i prins concierts, e in graciis di une musicalitât naturâl e di une tecniche strabuine e à fat concierts di ogni bande e in pôc timp e à vuadagnât premis internazionâi in Europe e intai Stâts Unîts, sunant di bessole. La serade dal conciert tal Palamostre e je chê di un travuart te storie dai Amîs de Musiche: il centesim aniversari de “prime” mondial de opare “Il Tramonto” di Ottorino Respighi, direte di lui a Udin ai 26 di Març dal 1924. Par chest, il program al previôt ancje la esecuzion dal “Notturno” par piano di Respighi. (A.I.) – 26.03.2024