Une pianiste de grande tradizion dal Est

Un gnûf incuintri cu la grande musiche classiche tal Teatri gnûf “Giovanni da Udin”, joibe ai 26. La famose pianiste russe Lilya Zilberstein, todescje di adozion, e presente un program dut dedicât ai trê compositôrs che a rapresentin miôr la sô maniere di sunâ il piano: un viaç che dal cûr dal romanticisim di Chopin al passe pes visions di Scriabin, e si materialize tal savôr neoromantic di Rachmaninov. Prime dal conciert, che al fâs part de Stagjon di musiche 2025/26 firmade dal diretôr artistic Paolo Cascio e sostignude ancje de Fondazion Friuli, e je in program aes 6 di dopomisdì di une conference ai aprofondiment ator dal program dal conciert, cul titul “Preludis dal Est”, par cure dal pianist e scritôr Luca Ciammarughi. (A.I.) – 25.03.2026