Une pacifiste di 2.400 agns indaûr

Une comedie antighe che e continue a fevelâ in mût clâr fint in dì di vuê, un manifest pacifist che al cjape dentri la satire, ma ancje un berli politic e civic, fidât ae vôs e al carisme di une des atoris plui preseadis dal teatri talian contemporani. “Lisistrate”, cun protagoniste Lella Costa e regjiste Serena Sinigaglia, e sierarà il program di prose tal Teatri “Verdi” di Pordenon joibe ai 14 e vinars ai 15. Un dai spetacui plui preseâts de interie stagjon teatrâl taliane, e je la storie di une figure feminine potente, ironiche, visionarie e rivoluzionarie, che ancjemò al dì vuê, daspò di passe 2.400 agns, e rive a a interogâ il presint cun atualitât. (A.I.) – 13.05.2026