Une orchestre e trê corâls pal Requiem di Mozart

Sabide ai 29 la antighe basiliche patriarcjâl di Aquilee e domenie ai 30 di Avrîl la Glesie di S. Pieri Martar a Udin, aes 8.45 di sere cun jentrade libare, a daran acet ai apontaments cul “Requiem” di Wolfgang Amadeus Mozart par corâl e orchestre. Tantis lis fuarcis artistichis che a intervignaran ae produzion. La part corâl e sarà sostignude de Corâl Caminese, direte di Francesco Zorzini, e de Corâl polifoniche Sant’Antonio Abate di Cordenons, direte di Monica Malachin: a son lis associazions che a àn inmaneât l’event. I soliscj, ducj specialiscj dal repertori sacri di Mozart, a saran il sopran Laura Rizzetto, il contralt Giovanna Dissera Bragadin, il tenôr Filippo Pina Castiglioni e il bas Massimiliano Svab. Pe part strumentâl, la Orchestre zovine Filarmonici Furlans; dut l’organic al sarà diret dal mestri Walter Themel. (A.I.) – 28.04.2023