Une orchestre di zovinis pe rassegne in onôr di Mozart

Trê concierts dedicâts al gjeni di Salisburc a formin il cartelon de prime edizion di “Mozart e dintorni”, une rassegne musicâl organizade dal Ert Fvj insiemi cu la associazion Mozart Italia, par la direzion artistiche di Nicola Bulfone. Un percors itinerant che al viodarà diviers grups di musiciscj sunâ lis oparis di Wolfgang Amadeus Mozart, un poç di ispirazion par gjenerazions di compositôrs. La rassegne si vierç vinars ai 30 al Teatri San Giorgio di Udin cun la Orchestre di zovins Filarmonici Friulani, une ecelence musicâl aromai innomenade, formade di talents de Regjon cun mancul di 35 agns. (A.I.) – 29.09.2022