34
Al è ator di dôs stagjons, al à fat nonante seradis cuntun grant sucès in dute Italie, e cumò al torne a Udin par Teatro Contatto un dai atôrs plui interessants ancje dal cine talian, Filippo Nigro. Il spetacul “Every Brilliant Thing (Le cose per cui vale la pena vivere)”, li che al è ancje regjist intune cun Fabrizio Arcuri, al va in sene vinars al prin e sabide ai 2 di Març tal Teatri Palamostre di Udin. E je une coproduzion taliane dal CSS – Teatri stabil di inovazion dal F-Vj e di Sardegna Teatro: une autobiografie segnade di une liste di moments di no dismenteâ, emozions che a durin pôc e incuintris par cirî di dâ un milion di resons che a sedin buinis par volê ben ae vite. (A.I.) – 29.02.2024
Foto di A. Calvi
