Une leture in sene tal “Verdi” par rifleti adun

Tal cûr dal program artistic e culturâl dal Teatri Verdi di Pordenon, la Zornade dal ricuart dal olocaust e continue a jessi un moment di riflession coletive, une oportunitât par tornâ ae comunitât lis storiis, i nons e lis identitâts che la storie e à cirût di cancelâ. Martars ai 27, te Sale Palco, e sarà presentade “Qui era. Qui è” (Chi al jere. Chi al è), une leture in sene dal atôr e educadôr teatrâl Alessandro Maione cui students de scuele superiôr “Leopardi-Majorana” di Pordenon. La rapresentazion e rapresente il disvilup teatrâl e la evoluzion di un progjet storic dedicât aes pieris di intop, promovût vie pai agns dal Istitût Leopardi-Majorana cul supuart de ANED e d3 ANPI, par fâ viodi tal tiessût de citât un ricuart dispès invisibil, ma cruciâl. (A.I.) – 26.01.2026