Une icone dal cine pai Salms dal taramot

Daspò dal debut pes celebrazions dal cincuantesim aniversari dal taramot dal Friûl tal mês di Mai a Vençon e a Vile Manin di Passarian, il progjet “Salms – Friuli 1976_2026”, prodot e coordenât di Euritmica, cul supuart de Regjon F-Vj, dal Ministeri de Culture e de Fondazion Friuli, al rive fint a Rome miercus ai 15 te Basiliche de “Sante Croce in Gerusalemme”. Lis vot composizions, inspiradis a ancjetancj tescj biblics, a son stadis scritis dal innomenât musicist canadês Kenny Wheeler, un icone dal jazz internazionâl, che lis veve componudis dopo une visite e un conciert in Friûl intai ultins agns Nonante. La partidure, donade al compositôr e pianist Glauco Venier cuant che i doi a colaboravin, e je stade tornade a cjapâ fûr di Venier, compagnât di un grup ecezionâl: il grup strumentâl L’Insiùm e chel vocâl Odechaton, direts di Valter Sivilotti. A Rome, l’Oratori al sarà insiorât cu lis leturis dai Salms de bande di Giancarlo Giannini, une icone storiche dal cine talian. (A.I.) – 14.07.2026