ll 2025 dal circuit dal ERT si vierç cul spetacul brilant dai fradis Mathias e Julien Cadez, artiscj poliedrics che a unissin musiche, recitazion e magjie. “Les Virtuoses”, il titul dal spetacul, al à concuistât za il public cun passe 500 replichis in vot agns, in graciis de sô fusion mai sintude e mai viodude di musiche, magjie e umorisim. I doi fradis francês a saran in Italie in esclusive pal circuit dal ERT cun doi apontaments: joibe ai 9 li dal Teatri “Sociale” di Glemone e vinars ai 10 tal Teatri “Zancanaro” di Sacîl. Dome cuntun piano par doi pianiscj, il public al viodarà un recital infogât, dulà che doi personaçs esilarants si sfidin intune gare di inzen e di virtuosisim, messedant i elements de musiche classiche, de magjie e de comedie. (A.I.) – 08.01.2025
Foto di J. Pouille
