Une flabe musicâl di cent agns indaûr

Cent agns indaûr, “Il reuccio e il suo cruccio” al fo un grant sucès, tant che spetacul a teatri, ma ancje in forme di flabe passade pe radio. Domenie ai 4 al rivarà tal Teatri “Bon” di Culugne, in comun di Tavagnà, aes 11 di buinore, cuntune dediche speciâl al compositôr triestin Silvio Negri. Il spetacul conciert, che al presente ancje un libri, al ven presentât pe prime volte in regjon cul Stravinskij Ensemble e la corâl de Corte Dei Miracoli Soundgroup, orchestrâts di Daniele Zanettovich e cu la direzion di Giulia D’Andrea e la vôs dal atôr Massimo Somaglino. A vierzi il spetacul, un conciert de orchestre “Tita Marzuttini”. (A.I.) – 02.05.2025