Vincj agns di musiche, ricercje e passion: il Quinteto Porteño, che al puarte indevant un program penç par promovi la musiche argjentine, al celebre il so aniversari tornant dulà che dut al è scomençât. Il borc dal Cjistiel a Çopule, il stes puest che al à ospitât il grup la prime volte tal 2006, al darà acet une altre volte ai musiciscj par un event celebratîf joibe ai 30 aes 9 sot sere La serade e tornarà a presentâ i vincj agns di ativitât cuntun program che al met dongje composizions origjinâls di Nicola Milan e Daniele Labelli cu lis interpretazions dai classics di Astor Piazzolla. Par celebrâ il travuart, a saran sunâts ancje tocs no publicâts, componûts a pueste pe ocasion. Il spetacul al sarà ripetût in altris dôs datis: ai 4 di Avost a S. Vît dal Tiliment e ai 6 di Avost in Venit a Caorle. (A.I.) – 29.07.2026
Foto di L. d’Agostino
