Une fieste pai 100 agns di teatri a Pordenon

Par celebrâ il centenari dal teatri a Pordenon, il “Verdi” al presente une serade di musiche, lunis ai 26 aes 8.30: un conciert di scree fûr abonament, une gruesse fieste par ducj che e viodarà lâ sù sul palc un ensemble unic par struture, lustri e cualitât esecutive, la Mahler Chamber Orchestra, direte dal norvegjês Leif Ove Andsnes, ancje pianist solist. L’ensemble di musiche di cjamare volût di Claudio Abbado intal 1997, vuê fat di 45 elements che a vegnin di 20 nazions diviersis, al celebrarà il gjeni di Mozart. Il conciert al sarà dome che une cerce di une stagjon cun 40 titui par un totâl di 55 replichis. (A.I.) – 26.09.2022