Une fieste di trê dîs tal non di Robert Miles

Trê dîs di fieste in ricuart di un fi di Feagne, Roberto Concina, cognossût di ducj cul non di Robert Miles, muart masse adore. Dai 12 ai 14 di Jugn, tal parc di vile Orgnani-Deciani a Vilalte di Feagne, la “Fieste de musiche” inmaneade dal circul culturâl “Amîs de musiche adun cul comitât “Robert Miles”e propon trê seradis, tacant de valorizazion dai zovins (i “Children” dal toc di Miles) cun trê grups dal teritori: Paul Contentine’s, Without Word e Sisma. Pe seconde serade, la musiche dai cartons animâts de television e dai videozûcs sunade di The Players. La ultime serade e sarà une dediche a Robert Miles e ai siei sucès, cu la orchestre dai zovins Filarmonici Friulani, un grup eletric e la direzion di Gabriele Saro, cun ospit speciâl il pianist Sebastian Di Bin, par tornâ a sunâ i tocs plui innomenâts di Robert Miles. (A.I.) – 11.06.2026