38
Plui di cuindis grups di chenti si son metûts adun par “Gaza Vive”, un spetacul di Beppe Casales che al sarà in sene sabide ai 21 aes 7 sot sere tal auditorium “Spazio Venezia” in Vie Stuparich a Udin. Il lavôr al va daûr de storie di une famee a Gaza, prin e dopo dai 7 di Otubar dal 2023: e tache de semplicitât di une zornade su la splaze e al rive al orôr dai bombardaments e de miserie, ma la storie di Gaza no je dome di pierdite, ma ancje di sperance. Il spetacul al à tacât a zirâ l’an passât e al è in tournée tai teatris di dute Italie: a Udin al rive in graciis di Misskappa e di altris 14 grups, associazions e organizazions. (A.I.) – 20.02.2026
