Une danze par dâ vôs e cuarp al mît di Giocasta

Michela Lucenti di “Balletto civile” e je une des danzadoris plui cognossudis a nivel european, une coreografe preseade che vinars ai 14 e sabide ai 15 e torne a Udin pe stagjon di Teatro Contatto par presentâ il so gnûf spetacul tal teatri “San Giorgio”. E je une partidure fisiche e vocâl, là che cuarps e vôs a son in dialic par dâ sostance ae matetât e ae luciditât di une femine che e decît di butâ fûr dut: Giocasta. La mari e femine di Edip dal mît grêc e da il titul a un spetacul visionari che al mostre dut il valôr di une femine sdrumade da tragjedie. Sul palc, cu la Lucenti, il Dj e cjantautôr Thybaud Monterisi. (A.I.) – 13.11.2025

Foto di A. Macchia