Une des cubiis comichis plui preseadis dal spetacul talian, chê fate di Corrado Nuzzo e Maria Di Biase, e sarà ospit intal fin di setemane dal Circuit Ert cuntune piçule opare mestre dal “teatri dal assurt”. “Delirio a due” (Deliri par doi) al è il titul dal test scrit intal 1962 di Eugène Ionesco, in sene vinars ai 16 li dal Teatri comunâl “Marlena Bonezzi” di Monfalcon, sabide ai 17 li dal Miotto di Spilimberc e domenie ai 18 li dal Benois De Cecco di Codroip: dutis i trê lis seradis a son za cuasi plenis. Inte comedie al domine il paradòs, ma ancje il grotesc e la barufe eterne tra Lui e Jê, tant che marionetis impresonadis intun rapuart familiâr ripetitîf, intant che la potence comiche e eversive di Ionesco e rive a risultâts gjeniâi e tragjicomics. (A.I.) – 15.02.2024
Foto di M. Alessi
