Une corâl par David Maria Turoldo

Inte suaze des celebrazions conclusivis pal trentenâl de muart di pre Turoldo, a son jessûts i nons dai vincidôrs de tierce edizion di un concors musicâl inmaneât dal Centri studis “Turoldo” di Coder. A son stadis 41 lis composizions rivadis ae segretarie dal Concors, tantis de bande di zovins e cualchidune di compositôrs di origjin gjaponese e sudamericane, une vore di dutis lis parts di Italie. La comission e à decidût di assegnâ il prin premi pe categorie A (composizion par corâl a capele) a Gaetano Lorandi. In chês altris categoriis a son stâts premiâts Denis Zanotto e Alessandro Manara. Cumò lis composizions a vignaran publicadis intun volum che al sarà distribuît tacant dal mês di Fevrâr dal 2023 e a vignaran dadis aes corâls par eseguilis. (A.I.) – 01.12.2022