Une comedie “nere” sul podê e la violence

La grande prose e je di sene sul palc dal Teatri gnûf “Giovanni da Udine” di martars ai 13 e fint a joibe ai 15 cun “Homecoming” (Tornâ a cjase), une comedie “nere” dal vincidôr dal Premi Nobel, l’inglês Harold Pinter, cun regjist e protagonist Massimo Popolizio. Il spetacul al sarà compagnât di doi events di profondiment: un par “Casa Teatro Highlights” cul professôr Peter Brown, diretôr de British School dal F-Vj (martars aes cinc e mieze di dopomosdì), che al condividarà cualchi curiositât ator dal teatri di Pinter, e “Casa Teatro Incontri”, cun ospits Massimo Popolizio e la sô compagnie. Plui di sessante agns daspò il so esordi tal 1965, “Homecoming” al manten il so podê di esplorâ lis dinamichis straviadis dentri de famee, di analizâ il podê, la violence e la disgregazion des relazions. (A.I.) – 12.01.2026