Une comedie ‘nere’ cuntun stîl anarchic

E rive in regjon une comedie ‘nere’ che e je cuasi une farse. “Il malloppo”, scrite intai agns Sessante di un innomenât autôr che al jere zovin chê volte, Joe Orton, e je stade adatade pes senis talianis di Edoardo Erba. Il spetacul al sarà ospitât dal Circuit Ert martars ai 30 li dal Teatri “Sociale” di Glemone, al Bobbio di Triest fint ai 4 di Fevrâr e po dopo al tornarà in regjon cun altris dôs replichis a Cordenons e a Palme. Direts di Francesco Saponaro, Gianfelice Imparato, Marina Massironi e Valerio Santoro a son i interpretis di une storie che e va cun ironie e cinisim cuintri lis basis de societât borghese (lis fuarcis dal ordin, il matrimoni, il cult de muart…) cuntun dialic sureâl e un stîl anarchic. (A.I.) – 29.01.2024