Ancjemò grande musiche sabide ai 23 di Novembar tal Teatri “Zancanaro” di Sacîl pe rassegne “Il volo del jazz”, che al ospite une des artistis plui aclamadis dal panorame jazz internazionâl: China Moses, une cjantante che e rapresente la essence dal soul e dal jazz dal dì di vuê, inte uniche date taliane dal so tour. China Moses no je dome che une interprete straordenarie, ma une artiste complete. Nassude a Los Angeles, fie de liende dal jazz Dee Dee Bridgewater e dal regjist Gilbert Moses, e à savût creâsi une cariere autonome internazionâl tacade adore intai agns ’90, ancje se il vêr sucès al è rivât dal 2009. (A.I.) – 22.11.2024
Foto di S. Norget