169
A son za centenârs lis visualizazions su YouTube dal toc “Può bastare un attimo”, metût adun di fantatis e fantats dal Progjet zovins de Citât di Cjasarse, par sensibilizâ e promovi la tematiche de sigurece sui lûcs di lavôr. La produzion locâl, nassude in graciis dal laboratori curât di Marco Anzovino, innomenât autôr e musicoterapeute, intune cun Sara Busetto e altris educadôrs, e je stade sielte de Anmil di Pordenon tant che imni de 72e zornade in ricuart des vitimis dai incidents sul lavôr. “Cuntun lengaç delicât – al sclarìs Marco Anzovino – si fevele di muarts sul lavôr e di chel moment che al cambie lis vitis, un messaç che al vâ dret al cûr di cui che al scolte”. (A.I.) – 27.10.2022
